Nikótínpúðar og tóbak

Það líða ekki nema nokkrar sekúndur frá því nikótínið er komið í líkamann þar til örvunin á taugakerfið eða kikkið kemur í ljós.  Það losna hormón, ephinephrin og dópamín sem gefa vellíðan.  Blóðþrýstingur hækkar vegna æðaherpandi áhrifa og hjartsláttur örvast. 

Við mikla notkun hörfar tannholdið undan áreitinu.  Þá sést í rætur tannanna sem eru viðkvæmari fyrir skemmdum en glerungur og einnig getur fólk fengið kul og óþægindi.  Ef tannholdið hörfar þá er það óafturkræft. 

Þeir sem nota nikótínpúða innbyrða að jafnaði mun meira af nikótíni heldur en stórreykingafólk. 

Vegna æðaherpandi eiginleika eykur það hjartsláttartíðni og hækkar blóðþrýsting sem getur aukið skallamyndun, getuleysi og liðverki.  Aukin hætta er á blóðtappa.

Ef nikótíns er neytt seint að kvöldi getur það haft áhrif á gæði svefns.

Önnur einkenni geta verið lystarleysi, ógleði, niðurgangur og magasár.

Sviti, kvíði, höfuðverkur, svimi, skjálfti og áhrif á skapið.

Ef þú ert að hugleiða að hætta notkun nikótíns í hvaða formi sem er getur þú leitað ráða hjá tannlækninum þínum.